Дам ба дам аз раҳи дил пайки хаёлаш расадам

Дам ба дам аз раҳи дил пайки хаёлаш расадам, Тобише нав ба нав аз ҳусну ҷамолаш расадам! Ё Раб, ин бӯйи тараб аз тарафи фирдавс аст Ё насимест, ки аз рӯзи висолаш расадам?! Ин зи ишқ аст, ки мағзам зи тараб хира шудаст Ё ки ҷомест, ки аз хамри ҳалолаш расадам?! Ё чу бозест, ки аз ишқ ҳамепарронад Ё кабӯтарбачагон аз пару болаш расадам?! Саркашон аз тарафи ғайб ба ман меоянд, В-ин мададҳо ҳама аз лаззати ҳолаш расадам!