ГӮРИ РОНАНДА
Дар камаргоҳи баланди кӯҳҳо,
Дар хами роҳи нишеби партгоҳ
Гӯри як ронандаи берӯзиест,
К-аз фалокат мурда андар нимароҳ.
Чанбари фармон1
раҳо гашта зи даст,
Марг оварда зи чархи чанбараш.
Чархи мошин рафта аз фармони ӯ
Ҳамчу ҳукми чархи гардон бар сараш.
З-ин шикасти ногаҳон бишкастааст
Чанбари фармон ба сони ними моҳ,
Ними фармон маҳчасон бар гӯри ӯст
Чун нишони ними умру ними роҳ...