Ҳар замон лутфат ҳаме дар пай расад
Ҳар замон лутфат ҳаме дар пай расад
В-арна касро ин тақозо кай расад?!
Масти ишқам дор дойим бехумор,
Ман нахоҳам мастие, к-аз май расад!
Мо найистонему ишқаш оташест,
Мунтазир, к-он оташ андар най расад!
Ин найистон об з-оташ мехурад,
Тоза гардад з-оташе, к-аз вай расад!
То абад аз дӯст сабзу тозаем,
Ӯ баҳоре нест, к-ӯро дай расад!
Ло шавем аз «куллу шайъин ҳолику»,
Чун ҳалоку офат андар шай расад!
Ҳар ки ӯ ночиз шуд, ӯ чиз шуд,
Ҳар ки мурд аз кибр, ӯ дар ҳай расад!