К А Т И Б А Ҳ О
Дар минбар
Эй шумо, ки нотиқони минбаред,
Аз Сисерон1
ҳам шумо нотиқтаред.
Иқтибос аз дигарон бишнидаем,
Иқтибос аз ақли худ ҳам оваред!
Дастро бардошта сӯи само
Ҳар гаҳе ки нутқи бурро мекунед,
Аввал андешед, баъди анҷуман
Гуфтаҳои хеш иҷро мекунед?
Дар гаҳвора
Ту ҳоло кӯдакӣ, тифлӣ, биосой,
Дигарҳо баҳри ту андар талошанд.
Бимак пистон, забони модар омӯз,
Ки донишгоҳҳо қодир набошанд.