РӮ БА РӮ БО ХЕШТАН ДАР ХИЛВАТИ АНДЕШАҲО

Боз мешӯрад дили ман, боз меларзад вуҷудам, Боз мегиряд ғурурам, боз менолад сурудам, Дар ҷаҳони нақду нася – Ман чӣ будам? Ман кӣ будам? Гоҳ гарди обшорам, гоҳ дарди рӯзгорам, Гаҳ ба барги гул ғуборам, гоҳ борони баҳорам, Дар ҷаҳони рафту омад – Бор дорам? Ё надорам? Гоҳ ҳукме бар сириштам, гоҳ доғи сарнавиштам, Гоҳ жӯлида ба хокам, гоҳ мурғе аз биҳиштам, Дар ҷаҳони коғазу гил – Ман чӣ бинвиштам? Чӣ киштам? Гарчи ман дар як дили худ сад дилеро озмудам, Гарчи ман дар як дили худ сад ҷаҳонеро кушудам, Аз нишони хеш метарсам, ки пурсам – Балки будам? Ё набудам?..